Gospel Testimonial Album - Ka Thumna & Mangpa Ka Gam sung uh

Ka Thumna Vol-2

Lyric: Pro Pastor M. Thangboi Zou  

Sang by T. Minlun Zou Gospel Singer.

1. Ju….. Ju……..

Milien mipilte na pui sieh a, Innsung nuom nempi lungzinnan na tun hi;
Kihauna leh Gutatnan vain a hawm zing a, Ka hinkhuo uh lungdamna neitheilou in neikoi

Ju in I innsung asusie hi, Ju in I Namsung uah vai ahawmzing leh;
Ju jie’n hamsiet lawkhum khum ding imah? Lunggel thavai Nitumkuon hita e.

Pa aw na Judon khawlsan maita, Ka Tunnu naubang akah ken en ngam lou
Uh aw na Judon khawlsan maitan, I tunlehzuoten phamlou na puldou enchim tang.

Pa aw na Judon khawlsan maita, Ka Tunnu naubang akah ken en ngam lou
Uh aw na Judon khawlsan maitan, I tunlehzuoten phamlou na puldou enchim tang.

2. Aw Khanglai

Khanglai kingaisut thakia vai, Tunlehzuo Gam leh Nam kinepna.
Laizomten phamlou I hinkhuo puldou in, Luonlhi samtui bangluang naubang kap.

Kumpin galkap ding asuilai in, Khanglai a Tul in sim kilankhie
Nanleh Khrist in galkap ding asuilai in, Aw khanglai heia umsieng itai?

Aw khanglai tun-le-zuo te kinepna. Nang hei ah um a vaithamden natai?
Napialmangna pan kinuohle in, Sian-le- innsung miten haibang hingngah uh.

Envawi simlei khu lungzinnan bawm, Phung-le-tang gibing kikhennan dim.
Tuate abotdoh ding leh siempha ding in, Mangpan khanglai nang leh kei hing tul.

Kumpin galkap ding asuilai in, Khanglai a tul in sim kilankhie.
Nanleh Khrist in galkap ding asuilai in, Aw khanglai heia umsieng itai?

3. Ka Thumna

Mangpa ka gam sung uh, Buoinan dim siengtah e.
Kithakimat dougalte jieh in, Michin mangbang siengta.

Mangpa tam ka thumna aw hi e, Naubang ka kaana ahi;
Lemna Hagau nang in, Koute hing siemthakia in.

Khanglaitw khu envawi? Khamthei in dim siengta.
Nichin shina zuon in muolliem uh, Panpi ding bei bangin.

Mangpa ka Namsung uh, Hingve tha kia in aw?
Phung-le-tang pawlpi kikhennan dim, Koute hinggawm tha kia’n.

4. Halna tha (My Testimony Song). (Ps. 6:4-5)

Mangpa na mai ah sounding khatbejong ka neilou,
Ka nei sunsunte zong khu kilwtsahna higiep e;
Kingaingiemna hinkhuo zainemna hinkhuo
Mangpa ken ka neinon tahsih hing ngaidam in.

Halna tha hingguon in na mite sieng ah,
Sietna zinmang kulpi hingsatchimkia in;
Na mite lungsung ah thu hinggenkia in,
Nang khu aw ka Hundamna Suangpi nahi.

Musit ah na umdan leh saguoh a na umdan,
Ka manghilsiengta Mangpa ka gitlouna jieh in;
Keima jieh in Hagau simsenglou mangthai
Shina mielnei a peite aw bang kagen tadiei?

Mangpa ka hinkhuo na lungdeilou bangin ka na jang,
Ka kelnate ka muchien hing ngaisiem in Mangpa;
Nangma Hagau Siengthou pawlna tangding in
Ka lungsim sietna dimsa khu hing silsieng in.

5. Mangpa leh A gam adin

Singdang mi zatamten, Sian Mangpa bangtawi uh,
Nunnuom ngah bang leng momnou ten
Simthu tua tuibang luongin, Si bang mitta uh.

Mangpa leh A gam adin semvai, 
        Zou vontawite  thou un kalsuonvai
Sepding nempi um asemding mi umlou,
Kalsuonvai tun kalsuonvai Zou vontawi

Tambang hunhoi hingpie, hingpie Pasian ah hi,
Hingpie Pasian amin thang henlen,
Kumpi zong hita hen, pienna I Zoulei a.

Lenpi chin-le-tuoi aw, lungkigel siem hunta,
Hunhoi in muol hingliemsanva;
Na khanglai hunsung in, Mangpa din zang in.

6. Kalvary Kross (Mk. 15: 32)

Kalvary Kross lungmit a ka gel chiengin,
 Lei mangten mangpen Mangpa khu vuoh in;
Singlamte puon chiphi in khaisang uh……..
 Panpi ding neilou bangin I Mangpa khu,
A thuogimnate Pan zong en ngamlou hi,
Nang-le-kei gitlou man jieh hibou e.

Aw kidang e keibang lelta nei itna,
Bangtoh hing thu zouding ka tai?
Keidia Kross tung ah a thugimnate,
Thupi in manpha sang.

Sapsietna Kross ah ka dangtaah chin,
Tui leh sildang ngai ah dangtaah ahisia;
Mikhiel kei Hagau ngai a dangtaah ahi.

Ka en-ngamlou na thuona Sing Kross khu,
Nii leh Haa zong suoh ngamlou in simkhuo zing;
Nang leh kei hing it jieh man hibou e.

Sang by Thangboi Tungs

7. India Gam a

Khrist sienga a hagau mangthai kapui thei nadin,
Heimun hiin bangzan hamsah zong leh ka kuon ding,
Ka deipen khu tam mite hagau hundam ding ahi;
Ka ihmutchieng ka mithaan kamu tuate,
Ken bangzien’n ka hinkhuo hi aw,
Tam leitung nopsa nateh in,
Ka zang siengthei diei?

Na jai hagau nempi kahna aw I gam a?
Koute hing hundam ding mi umlou atai chin;
Khanglai kei kuonvang chi ding mi umlouih?
Mangpan nang zangin I gam siemtha nuom (2vei).

India gam a Mang nnasep na ding mun atam,
Nanleh asem ding mi umlou selung gelvawi?
Jesu Khrist in a Van thupina zousie nuosie in;
Leitung a thuogimna chinteng ahingthuo nuan,
Kross a khailia in A hing um,
Keidie tua Sing Kross puopi ding khu,
Silneu nou ahibou hi.
Bridge
Mang Khrist galkap muonhuoi lungkia louin peizel in,
Na masang a Ka pei zing ding Mangpan achi;
Ka hing umpi zing ding hi, Lungzau vawt sin.

8. Mangpa Ka Gam sung uh

Mangpa ka gam sung uh, Hagau a kielnan vaihawmta
Hagau nunnem hing ngai ung e; Koute hingsiem thakien,
Baleh nguoiin puosieng ung.

Hingngai ung e Mangpa aw, Koute halnatha hing guon kia’n,
Ka basawt sengta uhi, Sietnan ka innsung uah, Johna Puonlap khaita,
Sian aw, Mu bang hing ngai ung eh.

Sietna in ka innsung chiet ua, Thuneina sangpen tangta,
Kihau lungzin nandim, Mangpa hingve thakia’n,
Nang nahi koute kinepna.

Mangpa hingven ka gam sung uh, Hagau dangtan baah sieng ung,
Hagau silbawl theinan, na hingve tha louin,
A mangthai sieng ding hi ung.

9. Ka Bitna Nahi

Ka bitna nahi, aw ka Mangpa, Solna a naichieng hingveng zingin;
Ka kulpi leh ka kibutna nahi, Siet dougal hingtam nan leh zong.

Sietlei khu hingbei nanleh, Jesu ka neita; Aman tangtawn dongin, Hingpui zing ding hi.

Ka muonna nahi, Aw hundampa, Tangtawn a danglam ngailou Mangpa;
Ka laukha Nang ma angsung nuom a, Hingsel inlen, hingveng zing tan.

Sietlei siet naten, ahingnai chieng, Ka Mang Jesu in hingpui thazel;
Lungkham mangbat um nonlou namun a, Khum Khopi aw Ken ngai ing e.

Sang by Nu V Chingboi

10. Hingngai ung e. 

Hingngai ung e, hingngai ung e,
Lemna Hagau, Koute hingphawng;
Hing suhaal kie’n, Sietnan kidim ung.

Van Hagau Siengthou hingleng kian, bale nguoi a umtesienga,
Nangma puihuoina tellou in koute din;
Sunni tumzong hasa ung, Nangma telna lou in aw,
Penticostnia Na Hagau na buobang kouzong hingpian.

Damlai khovel ilenna ua, nichin sietnan hingthuom e,
Doujou sih ung Mangpa kouma hanta in;
Muvanlai bangin koute hingsu haltha kia inlen,
Van Kanan gam tungzou ngeidin, Na hatnan eipui zingtan.

Lungmuonna bukimlouna, sietlei gamdai gam akhun,
Huoihamna leh Du-amnan michin luodim;
Gingtu lah kitam semsem in, Khrist ginna neila kiem deudeu,
I Khristian hinkhuo uh kagel chieng, Sian kipah na diei maw?

11. Mangpa Kei Koi ka hiei? (2 Sam. 7: 18).

Mangpa aw, Kei koi ka hiei? Tambang lawmlawm a nei lungsiet
Keidin manpha hinah e; Ka siensung mite khu envawi?
Kipah nan chinglou,  Nanleh neihatna lah nielguol hivawt lou.

Ka lungdamna khu, Zailan hing oi vang, Ka phutlou tanchieng donga nei domsang,
Zahtatlou nei zatnuom pouleh, Ka hinna pumpi nang din;
Na lenggam kelet nading in zang tavang.

Sian aw Na suolnuo, zuiha hinah e, Nisim a Sing Kross puo a kalsuon zing,
Gingtatlou nalam pan in, Nisim in solnan hingbawm;
Mangpa hing panpi’n Nanglou in kalam vai.

Sang by Bliss Chinghatniang

12. Van Hagau Sieng

Aw Hagau nunnem hing ngai ung e, Koute halna tha hingpien,
Basawt sengta ung sietlei a, Suol thunei naten hingthuom;
Koute hingphawng halkian Mnagpa aw.

Nang a um mite kipah theidin, Hingsu hal kianonlou ding nama?
Basawt sengta ung koute sietlei a, Leitung palun suiin;
Nisim in pheiphung suon zing ung, Hing leng in hingpui khian,
Setan henkawl a taang na mite.

Van Hagau  Siengthou hing ngai ung e, Dougal ten johna hing khaikhum;
Setan thunei na nuoi a, Na miten pheiphung suan zing,
Aw Hagau nunnem hing ngai ung e.

13. I Gamsiem hoi tavai

Sietlei a dougal lian e, Nichin kithana in dim,
Gingtute tenna gam, Thanghuoi nan luodim,
Gingloute sang kisieh zaw.

I gam siemhoi tavai, Zuaugen  a khangtou umlou,
Hingpei un unau, Mangpa siengbel tavai.

I gam sietnan dim, Thanghuoina in zong, Nang Belampu kipantan,
Sepding atam hi, Lungmuon denlou in,
Kipan tan nitum kuon ahi.

Pasian thu gensiem minthang kitam eh, Nanleh Pasian ging tutom,
Mahni ding khuolnan, Sisan suo zaulou,
Gingtute lai a luodim.

Sang By Miss……………

14. Kinunna Siengthou (New Song)

Mang Jesun kinunna siengthou a dei jie’n, Kanah khuo moupawi vasim hi.
Mou neipa beidawng a um ding phallou in, Tam kinunna siengthou a vang buohta hi.

Kinunna siengthou michin zatatin umhen,Khangson son in kinunna siengthou kilelzingta hen;Sieng Mang gawmna lei mihingten,Khenna ding simthu vaihawm dah tahen aw.

Vondei aw na tuna siensung mite din, Hinkhuo hing zang tawn tung inlen,
Na lungtup Mangpan hing theipi zing henlen, Sian vangbuo nan Gou tampi hing phungching in.

Ka tapa Mangpan hing umpi zing henlen, Zatam kingapnan hing siem hen,
Na innsung a Gospel in vaihawm zingin, Khristian innsung nuom hinh hi tawn tungta un.

15. Ka Jua Pa ( Mr Thangkhochin, ZDV Founderpa ahi)

{Numei sa ding ahi}
Zaankhuo sot e maimit singmong, Zaankim jalmang pan juong thou ing;
Senkoi lambing ka hingsui a, Nanleh sahmel in langthei nonlou.
{Pasal & Numei sa ding ahi}
Damdiai gammang nuoi akhun aw, Panpi ding bei bang ka juo Pa,
Nampi khankhuo ding na gelnan, Gamsa bang napham tamai maw Pa.

Aw Damdiai ka juo pa phamna munNa limnuoi a ka juo pa hambang vaimaw e;Sang nempi dia kipahna hi zong lechin,Ka Tunnu leh a Vonnom noute dia luonlhi mun hichiai.

{Pasal sa ding ahi}
Mimbang ka pienna ka juo Pa, Ka tunnu na Lumsuong tunga,
Naming theibang louchim maw e, Zaan mangbe’n laukhan hingvil aw.
{Pasal sa ding ahi}
Ka vondei Chinboi ngai um aw, Tongdawn theilou na luongdamsa,
Luonlhi pum in hinghah ing e, Pasal hangsan nahi Vondei aw.