Khanglai leh Koppi Suina

A Seminar Paper On

KHANGLAI LEH KOPPI SUINA

By: Pro-Pastor M. Thangboi Zou                     

Amun: Pahmual MELC                            

On: 6^th March, 2016

Thumapui: Khanglai leh Koppi suina chi thupi latheidie damna hingpie Mangpa Pasian min kaphat masa a, tualeh deisahna hingpie Division Lamkaite kunga zong nuomthu kagen hi.

Tulai nungah-tangvalten abuoipipen uh ahileh, “ahing ngai tahtah ahina de aw, koi ade aw, ka pasal, zi ding?” chi thute ahi. Tualeh abuoina kie uh ahileh, “Ama ngaite aman ngailou/deilou, ”. Tua ahiman in Itna tahtah bang ahiei chi ithei na dingun, amasan tamna Itna kichi chi 3 umte isut masa ding hi. Tuate ahileh:-

• (a)    AGAPE: Shitan itna/ mahni kimang hilna itna ahi (unconditional love). Pasian mi itna ahi. Tam khu Tahsa ki-etlahna panglou a itna ahi (Jn. 3:16).
• (b)   PHILEO: Hinna lungsim (mind), unau numei-pasal, lawmta (same sex), tahsa ki-etlahna panglou a ki-itna ahi. Eg. David- Jonathan ki-itna (1Sam. 18: 1-3, 20:41, 2Sam. 1:26b).
• (c)    EROS: Pumpi (Body), Hagau leh Hinna toh kisailou a, van neipi kibanglou (opposite sex) ahipou leh, tualeh tahsa ki-etlahna utna (Gan hingte banga) itna ahi (physical-sexual). Itna dihlou ahi pilvan ahoi mama hi.

Tamte apan ilanuom ahileh, Itna dih bang ahiei? Itna zakhial thei ahidan ahingmu khesa a, tuami jiehin, kitenma sang a Tahsa utna (sex) zat azauhuoi dan en kie vai:-

Kiten masanga lupkhawm utna jieh                                    Kiten ma a lupkhawm azauhuoidan

i)                    Theinuom ut (experience)                                      i. Ut gige thei/ addict thei ahi

ii)                  Mite lah akiphat nuom (pasal)                               ii. Khatvei luppi zi die deinonlou

iii)                Ahing kitenpi khah leh chi (numei)                                   iii. Kiten zouchie kimuongnonlou

iv)                Kingai patnadie zang nuom (pasal)                                    iv. Kiten zouchi bangkim dausa

v. Zi/pasal sangin AIDS neizaw thei

Itna toh kisai a ahing enlate leh a hing it tahtah te natheinuom leh chi 10 enkie vai:-

    

Itna maimai theikhie ding dan.                                            Itna tahtah theikhiet ding dan.

i)                    Enla in kinoh hehuh                                                i. Awla kisa, zahtat tahin, itna zung phut

ii)                  Bawl phutphut in chimul thou                   ii. Awl awl a bawlin lungmuong

iii)                Ngai sengseng ann dulou (love-sick)                      iii. Kikhuol, nnasep thalawpsa (positive)

iv)                Kiten peisawm, kinoh himai                                   iv. Ngahzou in maban ding khuol

v)                  Angmasiel in ama thubou peile chi                        v. A Koppi ding hoina dih khuol in gin-um

vi)                Ki-it chipen tahsa utna (sex) ahi chi uh     vi. Tahsa utna pen masa salou, itna dihsui

vii)              Kithu tuoh lou un, ki nielniel mai uh                     vii. Akituohlouna te uh theisiem sawm

viii)            Muongzoulou in thangsie nalai                  viii. Theisiem in muong ngam

ix)                “Alungkim/kipah sung it” chi                     ix. Itna nangpat hilou in, keipat chin it den

x)                  Ama bou it, a innkuonpite itlou                 x. Ama a it bangin a innkuonpite zong it hi.

Ki tenma a lupkhawm azau huoidan enkie vai:

            Jay Keslar in a Laibu gel “Let’s success with our Teenagers” na sunga “Tangvalten nungahte Tahsa utna (sex) ngahna dingin Itna azang ua, Nungahten zong tangvalte itna atang na dingun Tahsa utna adin akipie ngam uhi” chin anagen hi. Tualeh Billy Graham in, “Condom in nagai ding khu ahingdalpie thei a, nanleh Pasian lungthanna natan na natan ding khu hingdalpia zoulou ding hi” chin khangthate thu ahil hi. Lupkhawmpi thei nungah pen mi thanghuoite ahi uhi (pasal zong). Lupkhawm utna jiehte:-

• a)      Akituohlou kha ding zau: Lupkhawm chipen Pasian in nupate dinga asiem ahia, aki teng nailoute die Sietna ahi. Thupil khatin, “Van ilei ding chiengin kichiemte (hoita kivel) masa in,tuo zouchiengin akilei a,  nanleh mi koizong tahsa utna ah alutding chiengin mihoi leh hoilou khuol louin alutsupai uhi” akichi hi.
• b)      Thei ut: Kitenma sanga Nupa hinkhuo zat utnapen solna chi khat ahi. Ahun ahing tung nading hi, kinoh hehu in tuami sui naisin. Thei utna khu Khelna kipatna khat ahi hi.
• c)      Kiten khalou ding zau: A kitenpi khalouding zauman a tahsa utna zangte atamzaw kiteng lou uhi, tuamin kimuon ngamna leh chitana sukiem zaw in, azau huoi mama hi.

Kiten masang a Lupkhawp azau huoi dan ahileh:-

i)                    Khatvei tahsa utna puokhate bawl kie nuom un zongsang (addict) thei uhi.

ii)                  Gaai ding zauna jieh lungnoplouna(zau) ngen adim,

iii)                Tahsa utna apat AIDS natna veithei ahi chi theikie, amala tahsa utna a anakibuol khahta (tamin ahinkhuo akipahlouna lienpi tun thei hi)

iv)                Kiten masanga Tahsa utna zangte atamzaw akiten nuochiengun, Nupa kal thu a buoi leng uhi (ki gingmo den uh, keilou midang toh jong lumkhawm khava chie).

Khristian Khanglaite die VIRGIN apoimaw dan genkie vai:

Kiten masang a Tahsa siengthouna (Virgin) apoimaw dan leh athupidan gen kie vai. Joshua Harris in a Laibu gel “I Kissed Dating Goodbye” nasung a hichin agen hi, “Ken noute kilungsietpi masadie kang etlou in, Jesu Khrist zal a lawm-le-guol bangin kang en hi” chin Itna thu anagen hi. Pasian zaumi Evelyn in alawm ngaipa William kunga, “William nang lungsiet chi ka thei a, kang muong ngama, zong kang gingta hi, Piethei bangma kangnei sie, nanleh ka Siengthouna (Virginity) kangpe nuom hi, tuamijieh a nathei ding ahileh ikiten masangin hingluppi vawtsin aw?”(William in luppi die azawllai ah agen ahi) chin angen hi.  India Flimstar minthang khat kunga Virgin bangchi nasa ei? Achi uleh, aman, “Virgin kichi pen Dinosaur toh mangthai ahita hi” chin adong hi. Khanglai tampi a Virgin hinna kemsieng jousih nanuleh akemsieng mi um veve hi, tuate ahileh:-

i.                    Jessica Simpson Kum 22 in a Virgin hina akem siengthou hi.

ii.                  Friends kichi serial a star minthang Lisa Kudrow in Kum 32 ahitan in a Virgin hina akemsiengthou hi.

iii.                Tina Fey in Kum 24 ahitan in a Virgin hina akemsiengthou hi.

iv.                American Idol a kiteldohpa Jordin Spark in azinei masang a Virgin din akichiem hi.

v.                  Taylor Lautner ahileh “hottest bachelor in Hollywood” a title kipepa, nunganh adei atam in atam a, nanleh aman zi kanei masie Virgin ding kahi hin thutanna asiem hi.

vi.                Titanic flim a Lasa minthang Celin Dion in Kum 26 ahitan in “a Virgin hina kemsiengthou hi”.

vii.              Taylor Swift in anungah sung Virgin hidin thutanna asiem ngam hi.

Ahileh tamna igenten a VIRGIN hina uh kemsiengthou din thutanna asiem ngam uleh ei, Behiang Division LYFten isiemngam ta ding uai ma?

Akhupsitna: Tamna igenteng khu Koppi suina ding a poimawte lah a khat ahie, na zuinuom leh nangma thu, na zuinuomlou leh na thei ding ahileh “Khristian Innsung Nuom siemkhrbai lou ding nahi uhi” chi kithei in. Itna chi 3 akipatin Koppi suidingdan ikikum ua, hoipen zuituo nasah ei? Na deitelna a kingah ahie, atelsiem din Mangpan thupha hingpe chiet tahen.

Thukikup dingte:

i)                    Bangchi bangte Itna dih leh dihlou ahiei? point 5 chiet hing giel un.

ii)                  Kiten masanga Lupkhawm in Nupakal Susie thei ahidan point 5 chiet hing gile un.

iii)                Virgin apoimaw dan leh Virgin lou azauhuoidan point 5 chiet hing giel un.

iv)                Tam paper tungtawn a na phattuompi uh aumleh point 5 chiet hing gile un.

CHOUNA (Challenge) KHAT AHILEH

Koi tobang TAM Tour 2016 mang zousiete kunga “Ka zi/pasal nei masang a ka Virgin hina ka kemsiengthou vang chingam a umleh tamna Paper a na Suoi uh hing kai un”. Suoi hingkaite adin Thumsahna kinei nuom hi.