STEWARDSHIP AND CHRISTIAN LEADERSHIP

- M.Thangboi Zou Missionary NMSI/MELC

Thumapui: Stewardship leh Leadership akibang hisim nanle kibang lou ahi,tuomi thei siem ngai ding hi. Stewardship ichi khu Enkawltu/Kemtu china ahiai,Leadership ichipen Mopuohna ahi,lamkai ichi khu Nasemtu china ahi.

STEWARDSHIP

Greek ham in “epitropos” apat “oikomomos” chi apan kila khia ahi a, ei ham in “ enkoltu/ etkolna” china ahi.

Eg. Mi hausa khat in anei agou mikhat a enkoldia/ kemching dia mi khat mopuohna a pie khu agetna ahi. (Lk. 12:24,16:2, I Kor. 4:1, Tira 1:7, I Pet 4:10).

Gingtu kichi zousiah khuh |Pasian ahia, tuote a enkoldia mojpuana neite ihi uhi.

Stewardship ihchihna a anuoi ate a envai:-

1. Stewartdship khuh ih ha gou lam dinmun toh deituoh a, I kepthei ding a, I etkol zou dingza a pie ihi uhi (Mt.25:14-15)
2. Gingtuzousie khu a neitu ihisi ua, pasian neisate enkoltu ihi zaw bou uhi (Lk.19:13).
3. Pasian neisa enkoltu/kemtu ihijie un gin umna a poimoh hi (I Kor 4:2)
4. Man a leisa ihi ua, angleina(Jesu) thu-thu a ium ding uh ahi. (I kor 6:20)
5. Pasian neisa enkoltu ihia,ihkep siemle siemlou dan zil in vaihomni chiangin mawh nakipuoh ding hi (Mt 12:36, 18:23, 21:34, 25:19, Lk 12:20, 48, 19:15, Rom 14:12, I Pet 4:4-5)
6. Pasian neisa enkoltu nasep lehu nangma mimal mopuona ahi (Deut 24:16, Job 19:4, Prov 9:12, Jer 31:30, Eze 18:20, Rom 14:4, Gal 6:5)

LAMKAI MOPUOHNA

Lamkai mopuohna igen masangun lamaki ichi khu bang kigetna ahiai chi gen masa vai;

1. Lord Montgomery in, “Lamkai ichi khu Tup thakaht nei dinga mipite kaikhawm a detah apang sathei mi khu,Lamkai muonhuai/mopuohna ahi”achi hi.
2. Dr. John R.Mott in, “Lamkai khu lampi thei ah anapei masa in,anuoh mipite’n azui thei ding a mi siem thei mikhu, lamkai muonhuoi/mopuohna ahi”achi hi.
3. President Truman in, “Lamkai khu midangten adeilou u dei thei nadia bawl thei mi khu,lamkai mopuohna ahi”achi hi.
4. O.J.Sanders in, “Lamkai khu midangte thunun thei/thununzou mi ahi ding hi”,achi hi 
5. D.L.Moody in, “Tui in atup phalou tan in nintote kio thei lou hi,Student te Teacher umlou in hithei lou ahi,Nungzuite lamkaite masang a pei ngailou uhi,tuomi zie’n mipite Lamkai bei ah aum ding u Pasian in phallou in lamkai ding apia teitei hi”achi hi.
6. Paul in Timothy kunga tambang in Lamkai mopuohna thun anapie hi(1Tim.4:12) tuote ahile; Ham kamsuoh a. Gamtatdan a. itna lam a. Hagau  lam a. Siengthou nalam a. tamte zousie gingtute etton din um in chin ana hil hi. 

LAMKAI HINA

(1) Lamkai ichi chiang a lamkai dinmun a ikoite agetna hilou in, sil um nailoute hing umsa theite khu lamkai akichi hi.

(2) Midang te le silte apansa sil piangsa theite khu lamkai china tah-tah ahi.

Lamkai dinmun Nicholas Murray Bulter (Colombia University a president ana pang ngei pan) hichin agen hi. Lamkai hi a:-

(a) Kim-le-pam a bangthu umei chihzong theipha lou lamkai aumhi.

(b) Kim-le-pam a siltungte thei lou him-him a gal et-tho lamkai aumhi.

(c ) Sil umnailou/tungnailou piengthie sathei lamkai aum hi.

Tamna point C nakhu tunia ei Kristian lamkaiten eneidian ua hoipen ahi.

Professor N.Bulter amazong ( Colombia University President lui ahi) kiechin lamkai na ci 3 in agen hi:-

(a) Sil bawl thei/piengsa thei lamkai aum.

(b) Min bang sil bol in apiangsa ei chia gal et mi lamkai aum.

(c) Bangsil a um ei chizong ngaituo khalou lamkai aum hi, achi hi.

(III) BIBLE SUNG A KIMU LAMKAI LE TULAI LAMKAITE

Khovel Lamkai Kristian Lamkai

(1) Thagum/thahatna toh lamkai -It nay oh lamkai.

(2) Midangte thupia a pang -Mite thunuai aum.

(3) Lamkai napan kiet khading zau -Zauna neilou.

(4) Mimal hamphat nadia sem -Pasian kipah na dia sem.

(5) Mite sepsa ah kinga -Mi adding a sepsa

J.Oswarld Sanders in “Spiritual Leadership” laibu agelna a hichin pianpi lamkai le hagau lam a lamkai ana khen hi;-

PIANPI LAMKAI SIEMNA NEITE HAGAU LAMKAI SIEMTE

(1) Ama le ama kimuang --Pasian muang

(2) Mite theisiem -Pasian thei

(3) Ama ma in thutanna/thupuoha bol Pasian deidan sui

(4) Huai ahm, athu lou thusalou -Amale ama kimang hil

(5) Ama hoisa nabang a bol -Mangpa deidan sui le zui

(6) Koima tung a kinga lou -Pasian tung ah kinga

(mite thu selou)

LAMKAI ICHI IN MIKHOLNA/VISION NEI DING AHI.(Prov 29:18, Habak 2:2)

Milohna bangchi nei ding e? ichihte:-

1. Ei le ei koi ihiai chi kithei chien ding, pawlpin bangbol,bang dinmun a ding ahiai, chih thei khiet som ding ahi.
2. Bang ka poimaw a? ka pawlpi`n zong bang e apawimoh chi theih khiet ding
3. Tulel a kadin mun le pawlpi dinmun bang ahiai, hoi a um ka hiai? Chi thu thei khiet ding.
4. Tu dinmun apat khantou nading le mason nading bang ahiai, a poimaw chi thei in.
5. Bang kabol thei a, bang bolleng a hoi diai? Bang chi panla ding ka diai? Chi geldoh zing in.
6. Bangchi chia katup te kapat khiet ding, hun bangtan alut diai? Tun bang bolleng bang chi chia zouding? Chite hoite gel masat angai hi (eima lungtang phut-phut a nasep pat lou dia, isep itham ding zousie hoita igel khol zou chia pat ding ahi. Eg;Project ineite)

LAMKAI HOI NAHI NUAMLE, NABOL DINGTE;

(1) Laibu tampi sim in                      (2) Lamkai masate leh mi thupite thu dong in

(3) Mi dangte toh kipawl siem in      (4) Thumna neitam in

(5) Tup le ngim kichian nei in          (6) Khentuam neilou in vaihom in.

LAMKAI HINKHUA A THUGUH 3 `te;

(1) Nang bou na umchia, nangaihtuohna veng hoi in.

(2) Inn kuan sung a na umchiang, na umdan veng hoi in.

(3) Milah a na um chieng in, na ham kamsua/thugen dan veng hoi in.

Hagau lam a lamkai muanhuai min angchi nuamle tami theizing in;(a) Thumtam -Sil bol theina hau(b) Thumtom -Sil bol theina tom (c) Thumlou -Sil bol thei lou

KRISTIAN LAMKAI DINGTE CHITNA/HINA DINGTE AHILE;-

(1) Pasian hanta kichien nei mi ahiding ahi (Jer 1:4-6, Acts 16:6-10)

(2) Amale ama kithuzaw mi ahiding ahi (Pro. 16:32, 25:28)

Hamdan,umdan-gamtat dan,ne-le-dawn thu a kide zoumi ahiding ahi.

(3) Ditatna le siengthou na neimi ahiding ahi (I Thess 4;3-8, I Pet 1:14-16)

Numei le pasal kal a, sum le pai a gin umding china ahi.

(4) Mi kingainiem mi ahiding ahi. (Phil 2:5-11, I Pet 1:14-16)

Athu lou thusalou mi ahi lou di,Pasian deidan a gamta ding china ahi.

(5) Thutanna bolsiem mi ahiding ahi (Dan 1:8, Heb 11:23-28)

Comtt. chieng ah ama deidan a thutan mi hilou in, Pasian deidan le pawlpi hoi nadia thutan na bol siem mi ahiding ahi.

(6) Lungthana siengthou nei mi ahiding ahi (Mk 21:12)

Thudilou a vai akihom chia, hangsan tah a thudihlou nielngam mi ahi ding ahi.

(7) Hangsan tah a ding ngam ahi ding ahi.

• Joshua le Calep-Gam enkhia dia kuonte
• Aloiteng un (mi 10 ten) zauhuai, zousiavai, luhda vai achi uh.
• Nanle amau giel in “I zouding uhi,Pasian hanta suongin doulei I zou ding uhi” achi gel uhi.

LAMKAI TE DIA LOHCHIN NA LAMPI`TE

1. (1) Min ang kineippi na u thei zing inlen, mite kinep na bangin Pasian a dingle pawlpi adin theitop suohin, na mopuana muolsuo in.
2. (2) Na pawlpi siltup thei in, Hattuam Upa, Lamkai tampi a pawlpi u constitution le Assembly Danbu sim ngailou atam uhi. Tuabang lamkaiten pawlpi tup te le ngim thei bai lou din, lamkai muanhuai hithei bai lou ding uhi.
3. (3) Na peina ding lampi theichien in, lamkai khatin amipite apui nading lampi athei chien angai hi.Napui khiel le nangzie in na umna pawlpi khu beithei ahizien, napui nading mun, natup khu kichien tain thei ahoi hi.
4. (4) Na bol ding le bollou ding zong nathei ding ahi.Pawlpi lamkai khat in tahsa le hagau lam hitale, abol theile bol theilou sil tampi umte a thei khen angai hi, nang hoi sateng mo bol sin, bolkhiet bailam mah-mah ahi.
5. (5) Khantou nading lampi nathei angai hi. Lamkai khat in aumna pawlpi khu a moh-moh um theilou ahia, nang masang ate sang a Pasian nasepna malam son nahi nadia khantou theina ding lampi nasui ding ahi.